AIE Artisten Elkartearen panel honetan, ikus-entzunezkoen arloko musika lehen planora pasako da, interpreteek zein musikariek ekarpen handiak egin ditzaketen gunea den aldetik. Zinema sortuz geroztik, musika elementu garrantzitsua izan da ikus-entzunezko sorkuntzetan, baina, ikus-entzunezko eta multimedia edukiak dituzten plataformak ugaritzearen ondorioz, inoiz baino gehiago areagotu da kalitatezko musikaren eskaera plataforma horien ekoizpenetarako. Horregatik guztiagatik, panel honetan agertokiaz haratagoko bizitzari buruz mintzatuko dira sektorean eskarmentu handia duten pertsonak, bai eta ikus-entzunezko esparruak artistei eskaintzen dizkien aukerez ere.