Republic Network etxeak antolatutako tailer honetan, artista baten arrakasta aurreikus ote daitekeen ikusiko dugu; horretarako, musika-konpainia bateko ARek egindako lana eta argitalpen-unibertsoarekiko sinergia aztertuko ditugu.

Lanbide-profil horien nondik norakoak arakatuko ditugu, eta nola eragiten duten bai sinatu aurreko urratsetan, bai karrera artistiko baten garapenean: Nola trebatzen da talentu-bilatzaile baten sena? Nola aztertzen da streaming plataformek eta kudeaketa-erakundeek ematen diguten informazioa? Zein konpositore mota da errentagarriena? Nola jakin artista batek streaming bidez zein zuzenean arrakasta izango ote duen?

Gainera, autore edo konpainia batek argitaletxe batekin negozioak egiteko moduak aztertuko ditugu, superfan fenomenoak diru-sarrerak sortzeko garaian duen garrantzia, aurrerapenek nola funtzionatzen duten musikaren industrian eta konposizio-kanpamenduen garrantzia.

Ikasi intuizio bat benetako arrakasta bihurtzen.