Lehen prentsan “nekea” esaten zitzaiona, orain zehatzago deskribatzen dute, honela: erreta egotea, adikzioetan erortzea eta osasun mentaleko krisialdia izatea. Baina biraren zein partek eragin edo larriagotu ditzake osasun mentaleko arazoak? Eta nork du arriskurik handien? Music Industry Therapist Collective / Musikaren Industriako Terapeuten Kolektiboaren sortzaile, birako osasun-aholkulari eta Touring and Mental Health: the Music Industry Manual eskuliburuaren idazle Tamsin Embleton psikoterapeuta eta Rosana Corbacho musika-industriako psikologoa arituko dira solasean biretako gorabeherei buruz, eta errepideko bizi- eta lan-baldintzak hobetzeko egin daitezkeen aldaketei buruz.