Prestakuntzaz jurista (edo desjurista), duela 10 urte baino gehiago bere pasioan jarri zuen arreta osoa: musikan. Orduan, «LaRubiaProducciones» izeneko kultur elkartea sortu zuen, eta elkarte hura DIY («egin ezazu zeuk») filosofian oinarritutako diskoetxe bihurtu zen. Orain arte, ia 40 erreferentzia koeditatu ditu (Bones of Minerva, Maud the Moth, Veracrvz, Cruzeiro, Murina, Sangre de Muérdago, healthyliving, Anyx…).
Taldeekin duen harremana hazten joan da urte hauetan guztietan, eta laguntza behar duten tokietara joaten da eskua botatzera: disko-kontratuen inguruko aholkularitza, jabetza intelektuala, booking-a, sync-a, algoritmo maltzurrak... Taldeekin batera, kolektiboak eboluzionatu egin du, eta RUBIHAUS izeneko sare bihurtu da, sare horretako musikarien sormen- eta interpretazio-prozesuan laguntzeko.
Mundu likido, indibidual eta iragankor honetan, komunitate bateko kide izatea erabaki du, proposamen sendoak eta anitzak lagundu eta oihartzuna emateko. Proposamen horiek anitzak dira beren kontzepzioan eta eszenaratzean, eta balio kultural handia dute: entretenimendua edo atzealdeko musika eskaintzeaz gain, hunkitu, konektatu, kezkatu eta harrapatu egiten gaituzte.
Orain, Microfusa Musika Ekoizpen Eskolan irakasle ere bada. Horrez gain, FORMAko gerentea da; musika-kudeatzaileen Espainiako elkarte sortu berria da FORMA, eta EMMAko kidea da.
«We can be heroes, just for one day.»
