Jimena Amarillo

Denek desberdinak izatea bilatzen duten garai honetan, Jimena Amarillok berez duen bereizteko moduak bihurtu du Espainiako poparen ahots berezienetako eta maitatuenetako bat. Bere musika emozionala eta argitsua da beti, eta genero eta sentsibilitate desberdinak uztartzen ditu bere nortasunari uko egin gabe: letra zuzenak, egunerokoak eta guztiz zintzoak. Lehen singleetatik lehen bi diskoetara —Cómo decirte, mi amor (2021) eta La pena no es cómoda (2023)—, Jimenak bere unibertsoa eraiki du DIY filosofiari jarraituz eta, batez ere, gauzak lagunekin egiteko ideiari helduz. Hala, belaunaldi oso batekin konektatzen duen zintzotasun artistikoa erakutsi du.

Bilakaera horrek beste dimentsio bat hartzen du ANGÉLIKA (2025) diskoarekin, bere hirugarren lanarekin eta orain arteko proiektu libre eta zabalena denarekin. Parisko Studios Entreprise estudioetan grabatu zuen, neurri handi batean Marin Zannadekin batera. Diskoak estetika elektronikoagoa, jostalariagoa eta ausartagoa garatzen du, eta Jimenak ahotsezko kolaborazioak txertatzen dituen lehen aldia da, suai suave, Ouineta eta Queralt Lahoz artistekin. Lan honetan, Jimenak identitateekin, estetikekin eta queer izaera, performancea eta emozioa modu aske eta guztiz pertsonalean uztartzen dituen kontakizun batekin esperimentatzen du.