Dianka

Dianka Bartzelonako artista eta musikagilea da, eta Espainiako indie pop eszena berriko unibertso berezienetako bat eraikitzen ari da. Bere proposamenak poparen eta elektronikaren sentsibilitatea uztartzen ditu Espainiako kantagintzaren erreferentziekin, 60ko eta 70eko hamarkadetako iruditeriarekin eta dimentsio narratibo nabarmenarekin.

Bere proiektu berria, Cabriola, literaturaren eraginez sortutako diskoa da. Don Quijote, Heidi edo Pippi Kaltzaluze bezalako pertsonaiak abiapuntu hartuta, identitatearen, irudimenaren eta askatasunaren inguruko unibertso propioa eraikitzen du. Belaunaldi eta diziplina desberdinak ikuspegi garaikide, teatral eta oso pertsonal batetik lotzen dituen proposamena da.