Aurkitu lanbide-aukera berriak – BIME Bilbao 2026

“Aurkitu aukera profesional berriak” Speedmeeting saioaren helburua, urriaren 29an Speedmeeting Aretoan egingo dena, kultura- eta sormen-industrien barruko lan-aukerak sustatzea da. Horretarako, BIMEk sektoreko hainbat enpresarekin harremanetan jarri da, talentu berrien bila ari baitira, beren beharrak parteka ditzaten eta saio hau hautagai potentzialekin harremanetan jartzeko bide bihur dadin.

Saioa publiko guztiarentzat irekita badago ere, ahalik eta emankorrena izan dadin, enpresa bakoitzaren beharrak aztertzeko eta norberaren profila horietara egokitzen den baloratzeko eskatzen diegu interesdunei. Bilera bakoitzerako sarbidea iritsiera-ordenaren arabera egingo da. Bilera bat amaitutakoan, parte-hartzaileek berriro ilaran jarri beharko dute, pertsona guztiek enpresekin biltzeko aukera izan dezaten.

Lan-eskaintzak:

ALL NIGHTERS:

• Kokapena: Madril
• Kontratu mota: praktikak / aldi baterakoa
• Atala edo saila: publishing
• Lanpostua: proiektu-kudeatzailea
• Ardurak: argitalpen-katalogoaren kudeaketa
• Beharrezko gaitasunak eta ezagutzak: publishing, eskubideen kudeaketa, banaketa
• Enpresaren ordezkaria: Nabor Raposo

FOURVENUES:

• Kokapenak: Madril, Valentzia, Espainian urrunetik lan egiteko aukera (Account Executive eta Account Manager lanpostu jakin batzuetan), Italia (urrunetik lan egiteko aukera), Miami eta New York. • Kontratu mota: mugagabea.
• Saila eta arloa: Revenue (Sales & Account Management).
• Lanpostuak:
Account Executive.
International Account Executive.
Account Executive US.
Account Manager.
Head of Sales US.
• Ardura nagusiak:
Eginkizunak lanpostuaren eta erantzukizun-mailaren arabera alda daitezkeen arren, Fourvenuesen hazkundeari eta hedapenari lagundu diezaioketen profesionalak bilatzen ditugu, bai egungo merkatuetan, bai nazioartean.

Ardura nagusien artean, honako hauek nabarmentzen dira:

• Negozioaren garapena bultzatzea, merkataritza-aukera berriak identifikatuz eta bezero estrategikoak erakarriz.
• Nazioarteko merkatu berriak irekitzen eta finkatzen laguntzea.
• Salmenta-ziklo osoa kudeatzea, aukerak bilatu eta sailkatzen direnetik akordioak negoziatu eta ixten diren arte.
• Gaueko aisialdiaren eta ostalaritzaren industriako eragile nagusiekin harremanak garatzea: diskotekak, lounge-ak, klub pribatuak, ostalaritza-taldeak, sustatzaileak eta jaialdiak.
• Account Management, Onboarding, Marketing eta Product taldeekin lankidetza estuan aritzea, bezeroei esperientzia osoa eskaintzeko.
• Baloratzen ditugun gaitasunak eta ezagutzak

Oro har, eta lanpostuaren arabera, honako ezaugarri hauek dituzten profesionalak bilatzen ditugu:

• 3 eta 6 urte arteko esperientzia B2B salmentetan, ahal dela SaaS, ordainketa-soluzio, POS sistema, ostalaritzari aplikatutako teknologia, ticketing edo antzeko sektoreetan.
• Salmenta-ziklo osoa kudeatzeko eta salmenta-helburu zehatzekin lan egiteko esperientzia, emaitza frogagarriekin.
• Aholkularitzan oinarritutako salmenta-ereduen eta salmenta-aukeren sailkapenerako metodologia egituratuen ezagutza, hala nola MEDDICC edo antzekoena.
• Ordainketen prozesamenduaren finantza-adierazle nagusien ezagutza (GMV, take rate eta prozesamendu-kostuak), edo ezagutza horiek eskuratzeko gaitasuna.
• Komunikaziorako, negoziaziorako eta harremanak kudeatzeko gaitasun bikainak, erantzukizun-maila desberdinetako solaskideekin lan egiteko.
• Ingeles-maila bikaina, bereziki nazioarteko lanpostuetarako.
• Malgutasuna eta gaueko aisialdiaren industriaren berezitasunetara egokitzeko gaitasuna, tarteka ekitaldietara joateko, lokalak bisitatzeko eta esleitutako merkataritza-eremuan bidaiatzeko prestasuna barne.
• Jardueran parte hartuko duten Fourvenueseko ordezkariak: Irene Peraile eta José Mateos

GET IN:

1. LAN-ESKAINTZA

• Kokapena: Donostia
• Kontratu mota: aldi baterakoa
• Atala edo saila: ekitaldien sustapena
• Lanpostua: ekitaldien sustatzailea
• Ardurak: aretoen erreserbak, kontratuen eta fakturen kudeaketa, salmenten erregistroa eta ekitaldiaren arlo desberdinen gainbegiratzea.
• Beharrezko gaitasunak eta ezagutzak: antolaketa eta xehetasunei arreta jartzea. Aurretiko esperientzia eta merkatuaren ezagutza baloratuko dira.
• Jardueran parte hartuko duten enpresaren ordezkariak: Amaia Ispizua eta Andrea Calleja.

2. LAN-ESKAINTZA

• Kokapena: Madril
• Kontratu mota: mugagabea, probaldiarekin
• Atala edo saila: artisten managementa eta booking-a
• Lanpostua: booking saila
• Ardurak: artistak erakartzea eta ordezkatutako artisten eguneroko kudeaketa.
• Beharrezko gaitasunak eta ezagutzak: sektorearen ezagutza, bai enpresei dagokienez, bai merkatuari dagokionez. Pertsona asertibo eta estrategiko baten bila gabiltza, lidergo-gaitasunak dituena.
• Jardueran parte hartuko duen enpresaren ordezkariak: Amaia Ispizua eta María Argomaniz

3. LAN-ESKAINTZA

• Kokapena: Donostia
• Kontratu mota: praktikak
• Atala edo saila: komunikazioa
• Lanpostua: komunikazio sailerako laguntzailea
• Ardurak: prentsa-oharrak, elkarrizketak eta ekitaldien komunikazio- eta marketin-estrategietan laguntzea.
• Beharrezko gaitasunak eta ezagutzak: antolaketa, xehetasunei arreta jartzea eta komunikazioarekiko interesa.
• Jardueran parte hartuko duen enpresaren ordezkaria: Amaia Ispizua eta Andrea Calleja.

ICON LAB:

• Kokapena: Madril
• Kontratu mota: lanaldi erdiko praktikak (modalitate hibridoa)
• Atala edo saila: marketina / sare sozialak / edukia eta booking-a
• Lanpostua: artistentzako marketineko eta management eta booking-eko junior profila
• Ardurak eta beharrezko gaitasunak:
ICON LABeko Artist Marketing praktiketan, marketin-taldeari lagunduko diozu artistentzako kanpainak planifikatzen eta gauzatzen, edukiak sortzen eta sustapen-ekintzak koordinatzen. Sare sozialen kudeaketan eta artisten marketin-planetan parte hartuko duzu. Ekitaldiak, aktibazioak eta zaleentzako ekintzak antolatzen ere lagunduko duzu, baita sormen- eta ekoizpen-taldeko kideekin eguneroko komunikazioan ere.
• Baldintzak:
- Marketin digitalean eta sare sozialetan oinarrizko gaitasunak izatea (edukien sorrera, oinarrizko edizioa eta metrika eta joeren inguruko ezagutza).
- Musikaren eta entretenimenduaren sektorearekiko interesa eta ezagutza orokorra izatea (artistak, argitalpenak eta streaming-plataformak).
- Komunikaziorako, antolaketarako eta talde-lanerako gaitasunak izatea, enpresako arlo desberdinekin lankidetzan aritzeko.
- Azkar ikasteko, hainbat zeregin aldi berean kudeatzeko eta ingurune dinamiko batean xehetasunei arreta jartzeko gaitasuna.
- Marketina, komunikazioa, publizitatea, kultura-kudeaketa edo antzeko ikasketak egiten aritzea edo egin izana oso positiboki baloratuko da, baita ingeles-maila erabilgarria izatea ere.

• Jardueran parte hartuko duten enpresaren ordezkariak: Rosana Martínez (Safree) - CEO eta Javier Vilanova (Vila)

LAST TOUR:

1. LAN-ESKAINTZA

• Kokapena: Bilbo
• Kontratu mota: aldi baterakoa, 2027ko apiriletik abuztura. Lanaldi osoa, aurrez aurre.
• Atala edo saila: plangintza
• Lanpostua: ekitaldien plangintza eta diseinuko teknikaria
• Ardurak eta beharrezko gaitasunak: ekitaldiak fase guztietan planifikatzea eta koordinatzea, diseinutik eta aurrekontuak prestatzeatik muntaketara, gainbegiratzera, desmuntaketara eta itxierara arte. Planoak, 3D ereduak eta dokumentazio grafikoa egitea. Aurrekontuak, neurketak, txosten teknikoak, konparazioak eta kostuen kontrola prestatzea. Datuak antolatzea eta hornitzaileen jarraipena egitea. Aurkezpen teknikoak eta muntaketa-jarraibideak sortzea.
• Baldintzak: AutoCAD, Rhinoceros, Excel eta PowerPoint ondo erabiltzea. Antolatzeko eta planifikatzeko gaitasuna, moldagarritasuna eta zereginak lehenesteko ahalmena. Taldeekin, bezeroekin eta hornitzaileekin komunikatzeko eta koordinatzeko gaitasunak. Arkitekturako edo antzeko arloetako prestakuntza, Photoshop, Illustrator, InDesign eta adimen artifizialeko tresnen ezagutza, ingelesa, euskara, gidabaimena eta kultura, musika, ekitaldi eta ekoizpen arloekiko interesa edo esperientzia baloratuko dira.

2. LAN-ESKAINTZA

• Kokapena: Madril
• Kontratu mota: mugagabea. 2026ko azaroan hastekoa. Lanaldi osoa, aurrez aurre.
• Atala edo saila: komunikazioa – prentsa eta harreman publikoak
• Lanpostua: artisten prentsa eta harreman publikoetako teknikaria
• Ardurak eta beharrezko gaitasunak: artisten eta proiektuen komunikazioa eta harreman publikoak osorik kudeatzea. Argitalpenetarako, biratarako eta ibilbide profesionaleko mugarrietarako sustapen-estrategiak eta planak garatzea, A&R sailarekin koordinatuta. Komunikabideekin harremanak izatea eta sustapen-aukerak bilatzea. Prentsa-oharrak, biografiak, dossier-ak eta eduki digitalak idaztea. Sustapen-ekintzak negoziatzea eta kudeatzea. Joerak jarraitzea eta KPIen bidez emaitzak aztertzea, komunikazio-estrategiak optimizatzeko.
• Baldintzak: komunikazioan, harreman publikoetan edo antzeko arlo batean prestakuntza izatea. Musikaren industrian gutxienez 4-5 urteko esperientzia. Komunikabideen eta Espainiako musika-sektorearen ezagutza sakona. Ingeles-maila altua ezinbestekoa da. Idazteko, komunikatzeko, negoziatzeko eta antolatzeko gaitasun bikainak. Sare sozialen, plataforma digitalen, Excel, PowerPoint/Keynote, datu-baseen eta email marketinaren ezagutza. Pertsona proaktiboa, sortzailea, autonomoa eta emaitzetara bideratua. Euskara, frantsesa, italiera eta Latinoamerikako merkatuaren ezagutza baloratuko dira.

3. LAN-ESKAINTZA

• Kokapena: Bilbo
• Kontratu mota: mugagabea. 2026ko azaroan hastekoa. Lanaldi osoa, aurrez aurre.
• Atala edo saila: komunikazioa – prentsa eta harreman publikoak
• Lanpostua: prentsa eta harreman publikoetako teknikaria
• Ardurak eta beharrezko gaitasunak: jaialdi eta biren prentsa-oharrak, deialdiak eta komunikazio-materialak idaztea, koordinatzea eta banatzea. Komunikabideekin eta eduki-sortzaileekin harremanak kudeatzea. Artistekin, agentziekin eta taldeekin biren sustapena koordinatzea. Jaialdietako akreditazioak, ikus-entzunezko baimenak eta prentsaren beharrak kudeatzea. Ekitaldietan logistika antolatzea eta komunikabideei arreta eskaintzea. Komunikabideetako oihartzunaren jarraipena egitea eta komunikazio korporatiboan eta zeharkako proiektuetan laguntzea.
• Baldintzak: komunikazioan, harreman publikoetan edo antzeko arlo batean prestakuntza izatea. Musikaren edo kulturaren industrian komunikazioan eta PRn aurretiko esperientzia izatea, baita nazioarteko proiektuetan ere. C1 mailako euskara ezinbestekoa da eta egiaztatu egin behar da; ingelesa ere nahitaezkoa da. Idazteko, komunikatzeko, negoziatzeko, planifikatzeko eta koordinatzeko gaitasun bikainak. Pertsona proaktiboa, ekimenduna eta sortzailea, taldean lan egiteko gaitasuna duena. Musikaren industria eta komunikabideak ezagutzea. Bidaiatzeko eta ekitaldietan lan egiteko prestasuna. Frantsesa eta italiera baloratuko dira.

MAUKA / AIRAKA:

• Kokapena: Arrasate-Mondragon
• Kontratu mota: praktikak
• Atala edo saila: marketina
• Lanpostua: sare sozialak
• Ardurak: sare sozialen kudeaketa eta edukien sorrera

MONDO SONORO:

• Kokapena: Madril
• Kontratu mota: hezkuntza-erakunde batekin hitzarmen bidezko praktikak. 2027an zehar lanpostuetan sar daitezkeen profilak ere ezagutu nahi ditugu.
• Atala edo saila: merkataritza eta marketin saila (publizitatea).
• Lanpostua: marketineko, branded content-eko eta sare sozialetako laguntzailea.
• Ardurak:

- Publizitate-kanpainen jarraipenean laguntzea (materialak, egutegia eta txostenak).
- Sare sozialetarako edukiak sortzea eta argitaratzea (Instagram, TikTok, LinkedIn eta YouTube).
- Branded content proiektuen eta markekin, diskoetxeekin eta jaialdiekin egindako ekintza berezien ekoizpenean laguntzea.
- Sektoreko aurkezpenetan eta ekitaldietan laguntzea.

• Beharrezko gaitasunak eta ezagutzak:

- Marketineko, publizitateko edo komunikazioko ikasketak egiten aritzea edo duela gutxi amaitu izana, batez ere; ikus-entzunezko ikasketak ere onartzen dira.
- Musika-eszenarekiko interesa eta ezagutza izatea.
- Sare sozialak eta bideoak editatzeko eta diseinatzeko tresnak erabiltzen jakitea (adibidez, CapCut, Premiere edo Canva).
- Idazteko gaitasun ona, antolaketa eta taldean lan egiteko gaitasuna.
- Ingelesa jakitea baloratuko da.
• Enpresaren ordezkaria: Dani López

PANDA ARTIST MANAGEMENT:

1. LAN-ESKAINTZA

• Kokapena: Girona edo telelana
• Kontratu mota: praktikak
• Atala edo saila: kontabilitatea
• Lanpostua: kontabilitateko langilea
• Ardurak: gastuak (ordainagiriak) kontabilitate-programan sartzea, fakturak artxibatzea eta txartel bidezko ordainketak egiaztatzea.
• Beharrezko gaitasunak eta ezagutzak: kontabilitate-ezagutzak izatea ezinbestekoa da.

2. LAN-ESKAINTZA

• Kokapena: Girona/Bartzelona eta inguruak. Aurrez aurreko lana eta urrutiko lana uztartzeko aukera, Bartzelonara noizbehinkako joan-etorriekin.
• Kontratu mota: praktikak
• Atala edo saila: merchandising-a, marketina eta e-commerce-a.
• Lanpostua: merchandising-eko eta marketineko laguntzailea
• Ardurak
- Artista, talde eta musika-ekitaldietarako merchandising-proiektuen kudeaketan eta koordinazioan laguntzea.
- Online dendako produktuak kudeatzea eta eguneratzea (Shopify).
- Kanpaina komertzialak, merkaturatzeak eta promozioak planifikatzen eta gauzatzen laguntzea.
- Hornitzaileekin eskaeren, stockaren, ekoizpenen eta entregen jarraipena egitea.
- Proposamen komertzialak eta merchandising-aurkezpenak prestatzen laguntzea.
- Artistekin, hornitzaileekin eta beste kolaboratzaile batzuekin koordinatzea eta komunikatzea.
- Salmentak aztertzea eta jarraipen-txostenak prestatzea.
- Sare sozialetarako, newsletterretarako eta marketin digitaleko ekintzetarako edukiak sortzen laguntzea.
- Kontzertu eta ekitaldietako merchandising-aren antolaketan parte hartzea.

• Beharrezko gaitasunak eta ezagutzak:*
- Marketina, publizitatea, komunikazioa, enpresen administrazioa, merkataritza edo antzeko ikasketak egiten aritzea.
- Pertsona antolatua, proaktiboa eta arazoak konpontzeko gai dena, ikasteko gogoz.
- Musikarekiko, kontzertuekiko, merchandising-arekiko eta marken munduarekiko interesa.
- Hainbat zeregin eta proiektu aldi berean kudeatzeko gaitasuna.
- Excel, Google Workspace eta tresna digitalen oinarrizko ezagutzak.
- Shopify, Canva, Photoshop edo diseinu-tresnen ezagutza baloratuko da.
- Komunikaziorako gaitasun ona eta taldean lan egiteko ahalmena.
- Katalana eta gaztelania. Ingelesa jakitea baloratuko da.
- Sormena, ekimena eta xehetasunei arreta jartzea.

*Ez da ezinbestekoa aurretiko esperientzia izatea. Jarrera ona, motibazioa eta musikaren industrian benetako proiektuetan parte hartzeko gogoa duen pertsona baten bila gabiltza.

3. LAN-ESKAINTZA

• Kokapena: talentua bilatzen den hiria: Bartzelona / telelana
• Atala edo saila: diskoetxea
• Lanpostua: diskoetxeko proiektuetarako laguntzailea
• Ardurak
- Musika-argitalpenen koordinazioan eta jarraipenean laguntzea.
- Metadatuak kargatzea eta streaming-plataformetarako banaketa digitala kudeatzea.
- Inbentarioaren, katalogoaren eta obren erregistroaren kontrolean laguntzea.
- Entzunaldi-txostenak, erreprodukzio-zerrendak eta metrikak aztertzeko txostenak prestatzen laguntzea.
• Beharrezko gaitasunak eta ezagutzak:
- Grabatutako musikaren sektorearekiko interesa eta ezagutza orokorra.
- Bulegotikako tresnak erraz erabiltzea (Excel, Word, Drive).
- Antolatzeko gaitasuna, xehetasunei arreta jartzea eta jarrera proaktiboa.
Baloratuko da: ingeles-maila ertain-altua eta banaketa digitaleko plataformen edo agregatzaileen inguruko oinarrizko ezagutzak.

Ez da ezinbestekoa aurretiko esperientzia izatea. Jarrera ona, motibazioa eta musikaren industrian benetako proiektuetan parte hartzeko gogoa duen pertsona baten bila gabiltza.

4. LAN-ESKAINTZA

• Kokapena: talentua bilatzen den hiria: Girona, lan-modalitate erdi-presentziala
• Atala edo saila: management-a
• Lanpostua: artisten management-erako laguntzailea
• Ardurak:
- Biretako logistikan eta artisten agendetan laguntzea.
- Sustapen-ekintzak eta ekitaldiak planifikatzen laguntzea.
- Artisten, aretoen eta taldeko beste sailen arteko lotura izatea.
- Kontratuen jarraipenarekin eta eguneroko logistikarekin lotutako administrazio-lanak egitea.
• Beharrezko gaitasunak eta ezagutzak
- Antolatzeko, denbora kudeatzeko eta arazoak konpontzeko gaitasun handia.
- Komunikaziorako eta pertsonen arteko harremanetarako gaitasun bikainak.
- Diskrezioa, ekimena eta presiopean edo ingurune dinamikoetan lan egiteko gaitasuna.
- Baloratuko da: ingeles-maila ona eta musika-ekitaldietara egokitutako ordutegi-malgutasuna.

SONDE3:

1. ESKAINTZA

• Kokapena: Madril
• Kontratu mota: Praktikak
• Saila edo departamentua: Diseinua
• Lanpostua: Diseinu grafikoko bekaduna
• Ardurak:
- Musika-ekitaldien komunikaziorako pieza grafikoak diseinatzen laguntzea.
- Jaialdien, biren eta bestelako proiektuen ikusizko garapenean eta identitate grafikoan laguntzea.
- Sormen-lanak formatu digital eta inprimatuetara egokitzea.
- Kartelak, sustapen-edukiak, merchandisinga eta markako bestelako materialak diseinatzen laguntzea.
- Amaierako arteak prestatzen laguntzea, taldearen gainbegiradapean.
• Beharrezko gaitasunak eta ezagutzak:
- Adobe Creative Suite ondo erabiltzea, bereziki Photoshop, Illustrator eta InDesign.
- Antolatzeko gaitasuna, xehetasunei arreta jartzea eta taldean lan egiteko jarrera ona izatea.
- Musikari, kontzertuei, jaialdiei eta kulturari aplikatutako diseinuarekiko interesa izatea.
• Jardueran parte hartuko duen enpresaren ordezkaria: TERESA REBAGLIATO

2. ESKAINTZA

• Kokapena: Madril
• Kontratu mota: Praktikak
• Saila edo departamentua: Jaialdiak
• Lanpostua: Jaialdien ekoizpeneko bekaduna
• Ardurak:
- Food marketen arloa kudeatzen laguntzea.
- Hornitzaile berriak bilatzea eta haiekin harremanak izatea.
- Barne-taldearen logistika-planak gauzatzen laguntzea.
- Jaialdietako logistika artistikoa garatzen eta gauzatzen laguntzea.
- Ekoizpen-departamentuko beste arlo batzuetan laguntzea.
• Beharrezko gaitasunak eta ezagutzak:
- Antolatzeko gaitasuna, xehetasunei arreta jartzea eta taldean lan egiteko jarrera ona izatea.
- Pertsona ekintzailea eta arduratsua izatea, eta ingurune sortzaile eta dinamiko batean garatzeko interesa izatea.
• Jardueran parte hartuko duen enpresaren ordezkaria: CHEMA FERNÁNDEZ

3. ESKAINTZA

• Kokapena: Madril
• Kontratu mota: Praktikak
• Saila edo departamentua: Jaialdiak
• Lanpostua: Administrazioko bekaduna
• Ardurak:
- Administrazio-departamentuari dagozkion lan operatiboetan laguntzea.
• Beharrezko gaitasunak eta ezagutzak:
- Antolatzeko gaitasuna, xehetasunei arreta jartzea eta taldean lan egiteko jarrera ona izatea.
- Pertsona ekintzailea eta arduratsua izatea, eta ingurune sortzaile eta dinamiko batean garatzeko interesa izatea.
- Enpresen Administrazio eta Zuzendaritzako, Ekonomiako edo antzeko graduren edo masterren bat egiten aritzea edo egin izana.
• Jardueran parte hartuko duen enpresaren ordezkaria: CHEMA FERNÁNDEZ

4. ESKAINTZA

• Kokapena: Madril
• Kontratu mota: Praktikak
• Saila edo departamentua: Komunikazioa
• Lanpostua: Komunikazioko bekaduna
• Ardurak:
- Komunikazio-departamentuari dagozkion lanetan laguntzea, hala nola testuak idazten eta hedabideekin harremanetan jartzen.
• Beharrezko gaitasunak eta ezagutzak:
- Antolatzeko gaitasuna, xehetasunei arreta jartzea eta taldean lan egiteko jarrera ona izatea.
- Pertsona ekintzailea eta arduratsua izatea, eta ingurune sortzaile eta dinamiko batean garatzeko interesa izatea.
- Kazetaritzako, Publizitateko eta Harreman Publikoetako, Ikus-entzunezko Komunikazioko edo antzeko graduren edo masterren bat egiten aritzea edo egin izana.
• Jardueran parte hartuko duen enpresaren ordezkaria: CHEMA FERNÁNDEZ

SONIDO MUCHACHO:

1. ESKAINTZA

• Kokapena: Madril
• Kontratu mota: Praktikak
• Saila edo departamentua: Marketina
• Lanpostua: Marketineko laguntzailea
• Ardurak: Disko-argitalpenetarako marketin-ekintzak eta sare sozialetako planak garatzen eta gauzatzen laguntzea.
• Beharrezko gaitasunak eta ezagutzak: Marketina, sare sozialak eta sormena.
• Jardueran parte hartuko duen enpresaren ordezkaria: Paloma Arcos

2. ESKAINTZA

• Kokapena: Madril
• Kontratu mota: Praktikak
• Saila edo departamentua: Booking-a
• Lanpostua: Booking-eko laguntzailea
• Ardurak: Booking-eko ekintzak garatzen eta gauzatzen laguntzea, baita kontratuak kudeatzea ere.
• Beharrezko gaitasunak eta ezagutzak: Ikasteko gaitasuna; dena ikas daiteke, baina kontratu asko kudeatu beharko ditu.
• Jardueran parte hartuko duen enpresaren ordezkaria: Raquel Pagés