Data: 2026ko urriaren 29a

Ordua: 12:30

Lekua: 0D Aretoa, Euskalduna Jauregia (Bilbo)

BIME ekitaldia

Aupa hitzak esanahi bikoitza du: alde batetik, aupar aditzaren adizkia da (altxatu, goratu), eta, bestetik, apartekoa edo zaintza merezi duen zerbait adierazteko erabiltzen den interjekzioa. Ideia horretatik sortu ziren AUPA! sariak, aditu profesionalek osatutako epaimahai batek modu parte-hartzaile eta independentean ematen dizkienak musikaren industriako pertsonei, enpresei eta proiektuei, sektorearen aurrerapen kolektiboari ekarpen nabarmena egin badiote.

Sari hauen helburua da lan sortzaile, ausart, arriskutsu edo altruistak ikusaraztea eta aitortzea, inspirazio eta eredu izan daitezen. Horren bidez, ekitaldi adierazgarri bat sortu nahi da, miresmenetik eta errespetutik abiatuta, musikaren industriaren hazkundeari hainbat eragilek egindako ekarpena publikoki ospatzeko, betiere etika, jasangarritasuna eta genero-ikuspegia oinarri hartuta.

AITORTZIAK

✸ Kategoriak

Altavoz

Sormenaren eta lanaren bidez musikaren industrian pertsona gehiagorengana iritsi eta eragin positiboa izan duten agentzia, komunikabide edo prentsa-bulegoei emandako saria.

Artista

Musikari egindako ekarpen nabarmen eta berritzaileagatik artista bati emandako saria, inpaktua, etika eta sormena kontuan hartuta.

Zuzeneko musikako aretoa

Proposamen berriak, kalitatea eta gizarte- eta ingurumen-kontzientzia sustatzen dituen zuzeneko musikako areto bati emandako saria.

Jaialdia

Talentuarengatik, kalitateagatik, berrikuntzagatik eta industrian zein ingurunean duen eragin positiboagatik nabarmentzen den jaialdi bati emandako saria.

Ekimen pribatua

Enpresa-sektoreari eta erakunde pribatuei emandako saria, aliantza sortzaile eta berritzaileengatik eta musikaren industriari emandako babes eta ekarpenagatik.

Ekimen publikoa

2024an bere sormenarengatik, berrikuntzarengatik, etikagatik eta kalitateagatik nabarmendu zen jaialdi bati emandako saria, ingurunean eta industrian eragin positiboa sortzeagatik.

Ekoizpena

Berrikuntzagatik, arriskuagatik eta eraginagatik nabarmentzen den urteko musika-ekoizpenari emandako saria.

Promotorea

Programazioagatik, etikagatik, sormenagatik eta talentuaren aldeko bultzadagatik nabarmentzen den ekitaldi-promotore bati emandako saria.

Urteko proiektua

Musikaren industriaren aurrerapena sustatzen duen ekimen bati emandako saria, ekintzailetza, hezkuntza, dibulgazioa eta gizarte-eragina nabarmenduz.

Lurraldea musikarekin

Musika bere kultur programazioan txertatzen duen hiri, udalerri edo komunitate bati emandako saria, garapena, babesa, ikusgarritasuna eta errespetua sustatuz.

Disko-lana

Urteko disko-proiektuari emandako saria, haren ekoizpena, diseinua, komunikazioa, marketina, irudia eta gizarte-eragina kontuan hartuta.

Argitalpen-lana

Urteko musika-argitalpen lanari emandako saria, haren originaltasunagatik, sormenagatik, parte-hartzeagatik eta musika-kulturari egindako ekarpenagatik.

Ibilbidea

Pertsona, sektoreko eragile, elkarte, komunikabide eta abarren ibilbidea aitortzen duen saria, haien lanak musikaren industriaren garapenari egindako ekarpen nabarmenagatik.

Start-Up Competition

BIME Start Up Competition lehiaketaren irabazleari emandako saria, teknologia berrien eta berrikuntzaren arloko adituek osatutako epaimahai batek aukeratua.

BIME Campus

BIME Campus diplomak ematea, ikasleei industriaren muinean murgiltzeko aukera eskaintzen diena.

Header

Harremana