0 emaitzak

Tipo de contenido

Iragazkiak
  • 3

    Deialdia

    [ZABALIK] BIME Startup! Competition 2026

    BIME Startup Competition itzuliko da urriaren 27tik 29ra BIME Bilbaon. Kultura- eta sormen-industriak eraldatzen ari den startup bat baduzu, parte hartu zure proiektua nazioarteko erreferenteen aurrean aurkezteko eta inbertsiorako, lankidetzarako eta ikusgarritasunerako benetako aukerak eskuratzeko. Izena eman BIMEk ekintzailetzako talentuaren aldeko apustua indartzen du, Kultura eta Sormen Industrien (KSI) barruan berrikuntza eta ideia eraldatzaileak bultzatzeko programa baten bidez. Deialdiak Bizkaiko Foru Aldundiaren eta Eusko Jaurlaritzaren (Ekonomia, Lana eta Enplegua Saila) babesa du, baita Daniel eta Nina Carasso Fundazioaren lankidetza ere. Fundazioak inpaktu-inbertsioan eta kulturaren edo elikadura jasangarriaren bidez trantsizio sozial eta ekologikoa sustatzen duten proiektuei laguntzen esperientzia eskaintzen du, besteak beste, Tiina bezalako ekimenei. Deialdiak gehienez hamalau (14) proiektu hautatuko ditu BIME Startup! Village-n parte hartzeko, BIME PROren barruan, 2026ko urriaren 27, 28 eta 29an. Proiektu bakoitzak bere espazioa izango du bere proposamena aurkezteko, harreman estrategikoak sortzeko eta ekosistemako inbertitzaile eta profesionalekin bilerak egiteko. Hautatutako hamalau (14) proiektuen artean, epaimahaiak bost (5) finalista hautatuko ditu aurkeztutako bideopitcha oinarri hartuta. Bost proiektu horiek BIME Startup! Competition lehiaketaren finalean parte hartuko dute, 2026ko urriaren 29an. Bertan, euren proiektua zuzenean aurkeztuko diote epaimahai profesional bati. Epaimahaiak oinarri hauetan aurreikusitako aintzatespenak emango ditu, besteak beste, BIME Startup! Competition 2026 Saria eta IMPACTU! Saria, Daniel eta Nina Carasso Fundazioarekin lankidetzan garatua. Kontsultatu oinarriak Ez galdu aukera hau!

    Deialdia

    [ITXITA] INAMU: Argentinako talde eta musikaren sektoreko profesionalentzako deialdia

    INAMUk, BIMErekin batera, BIME Bilbao 2026n parte hartzeko deialdia ireki du. Ekitaldia urriaren 27tik 30era izango da. Deialdia Argentinako musika-proiektuei zuzenduta dago, bakarlari zein taldeei, betiere INAMUn erregistratuta badaude, eta musikaren sektoreko profesionalei. Honako hauek hautatuko dira: Argentinatik bidaiatzen duten proiektuak: gehienez bi (2) musika-proiektu, ekitaldian aurrez aurre parte hartu eta 30 minutuko showcase bat eskaintzeko.Biran dagoen proiektua: gehienez musika-proiektu bat (1), BIME Bilbao 2026 egiten den egunetan bira egiten ari dena, 30 minutuko showcase bat eskaintzeko.Profesionalentzako akreditazioak: gehienez hogeita hamabost (35) eskaera, INAMUn erregistratutako musikaren sektoreko profesionalentzat, ekitaldian aurrez aurre parte hartzeko. Showcaseen eta profesionalentzako akreditazioen deialdietan izena emateko epea 2026ko uztailaren 13tik 27ra arte (biak barne) egongo da zabalik. Hautaketa BIME Bilbaoko Zuzendaritza Artistikoaren ardura izango da. Izen-ematea eta oinarriak

    Deialdia

    [CERRADA] BIME Bilbao 2026ko Deialdia Valentziako Artista eta Taldeentzat

    BIMEk, Valencia Music Cityrekin batera, deialdi bat abiarazi du Valentziako musika-proposamen bat hautatzeko. Hautatutako proposamena BIME Bilbao 2026ko showcaseetan parte izango da, urriaren 27tik 30era egingo direnetan. Deialdian parte hartzeko, bete izena emateko formularioa beheko botoian klik eginez. Eman izena hemen! Hautatutako proposamenak showcase bat eskainiko du BIME Live programazioaren barruan, musikaren industriako profesionalen aurrean. Gainera, BIME Pro programazioan parte hartzeko aukera izango du, networking jardueretan parte hartu eta musikaren industriako azken joerak ezagutzeko. Deialdia 2026ko ekainaren 17tik uztailaren 9ra egongo da zabalik. Hautaketa BIME Liveko programazio-taldeak egingo du, eta Valencia Music Cityk hautatutako proposamenaren zabalkundean lagunduko du, haren parte-hartzea baieztatu ondoren. Emaitzak posta elektroniko bidez jakinaraziko dira. Deialdiaren oinarriak Ez galdu aukera hau!

    Kargatzen…