Silitia Bizkaiko bikote sailkaezina da, Ibai Silicato (Lekeitio, 1997) eta Xabier Barrutia (Bilbo, 1999) kideek osatua. Duela gutxi laukote bihurtu da, Dani Artetxe (Bilbo, 1999) eta Adri Lorenzo (Bilbo, 1998) taldera gehituta. Beraiek “brioche pop” gisa definitzen duten musikaren, zuzeneko eszenaratzeen eta asmo artistikoaren artean oreka ezin hobea dago proiektuan.
Estiloaz galdetuz gero, punky-funky-elektro-euskal-rock abestiak egiten dituztela esango dizute, baina, batez ere, Silitia proiektu poliedrikoa eta etengabe bilakatzen ari dena da, urrats bakoitzean harritzen duena. Estiloari dagokionez, proposamen zabal eta ausartak maisutasun harrigarriz uztartzen ditu itxuraz oso ezberdinak diren elektronika, post-punka, funka, 80ko hamarkadako musika, industriala eta art rocka, besteak beste, eta horren gainean melodia argi eta distiratsuak eraikitzen ditu, pop klasikoaren ildotik.
Hori guztia iragazki esperimental eta ironiko batetik —batzuetan komikotik— igarotzen da, eta hainbat irakurketa-maila sortzen ditu lehen entzunalditik bertatik harrapatzen duen lanean. Eragin amaigabeen nahasketa horren emaitzak abestiak askotan zenbait diskotekatan entzun daitezkeen soinuak gogoraraztea eragiten du; beste batzuetan, post-punk baladak, eta beste batzuetan, pop landua.
Konposizioen zein zuzeneko emanaldien bitxikeria delikatuak ahaztezin bezain zailak bihurtzen ditu deskribatzeko; bizi egin behar dira. Orain, euren ibilbidean inflexio-puntu izango den disko berria aurkezten dute, zalantzarik gabe.
Ongi etorri Silitiara; orain, ezin izango zarete atera!
