Los Angelesen jaio eta Espainia eta Estatu Batuen artean hazi zen. 21 urte zituela hasi zuen bere ibilbide profesionala Universal Music Spainen. Sei urte bertan eman ondoren, Industria Works enpresara joan zen, Estatu Batuetako management eta booking enpresa batera. Bertan, besteak beste, Mala Rodríguez, Fuel Fandango eta La Cendejas artisten kudeaketaz arduratu zen, eta beste artista batzuen booking-a ere egin zuen, hala nola Trueno, Villano Antillano eta Micro TDH-rena. Aldi berean, Espainian Brunch-In ekimenaren ekoizpenean lan egin zuen, urtean 40 ekitalditik gora antolatzen dituen musika elektronikoaren jaialdian.
Iaz bere management agentzia sortzea erabaki zuen, Zavala MGMT, Paula Cendejas, Mala Rodríguez, Ganges eta beste hainbat artistarekin batera. Horrez gain, booking agentzia bat ere sortu zuen hainbat bazkiderekin batera, Arpa Entertainment, eta bertatik artista horiekin eta beste batzuekin egiten dute lan, hala nola Ovy On The Drums eta Dímelo Flow. BRESHen booking-a ere egiten du. Beraz, bere jarduera batez ere artista latinoetan oinarritzen da.
