Mara Dierssen

Neurobiologian doktorea da Kantabriako Unibertsitatean, eta ikerketa-zuzendaria da Bartzelonako Erregulazio Genomikorako Zentroan (CRG). Bere ikerketa-arlo nagusia garunak pertsona bakoitzaren portaera espezifikoa nola sortzen duen aztertzea da. Bereziki, Down sindromean espezializatu da, adimen-desgaitasunaren oinarri genetikoen inguruan mundu mailan aitzindaria den ikerketa eginez.

Ikerketa-ibilbideagatik hainbat sari jaso ditu, besteak beste, Kataluniako Generalitateak 2008an emandako Pentsamendu eta Kultura Zientifikoaren Sari Nazionala, baita Down sindromeari buruz egindako ikerketengatik Jaime Blanco eta Sisley Lejeune sariak ere.

Zientzia-dibulgazioaren arloan egindako lana ere saritu dute. Hitzaldien eta argitalpenen bidez egiten du lan hori, besteak beste El cerebro artístico. La creatividad desde la neurociencia (Sackleton, 2018) liburuaren bidez. Espainiako Neurozientzia Elkarteko presidentea izan zen (2013–2015), baita Zientziaren Aurrerapenerako Espainiako Elkartekoa eta Espainiako Garunaren Kontseilukoa ere. Kataluniako Medikuntza Errege Akademiako kidea da, Medikuen Elkargoaren Zilarrezko Domina jaso du, eta Academia Europaeako kidea da; Europako zientzialari eta akademiko nagusiak biltzen dituen erakundea da.