0 emaitzak

Tipo de contenido

Dimentsio

Iragazkiak
  • 26

    Elkarrizketak

    Diálogos: AJ Ramos

    Communication

    Diálogos atal honetan, AJ Ramos-ek —Google eta YouTube-ko Artist Partnerships arduraduna— BIME Bogotá igaro ondoren izandako hausnarketak partekatzen ditu Rolo Alarcón-ekin. Bost gogoetaren bidez, giza harremanen balioa azpimarratzen du musikaren arloan, Iberoamerikako lankideekin berriro elkartzeko emozioa eta hurrengo belaunaldiko artista eta profesionalak inspiratzearen garrantzia. AJk mezu argia uzten du: benetako arrakasta norberaren benetakotasunetik eraikitzen da. Norberaren xedea ezagutzea, osasun mentala zaintzea eta musika negozioaren nondik norakoak ulertzea funtsezkoak dira epe luzeko ibilbide iraunkorra eraikitzeko. Gogorarazten digu, gainera, ez direla bide guztiak izar bihurtzera eramaten —eta hori ondo dago—. Komunitate sendoa eta bihotzetik sortutako sorkuntza izanik, artearekin bizitzea posible da. Elkarrizketa honek gogorarazten digu musika ez dela bakarrik talentua edo ikusgarritasuna; baizik eta xedea, harremanak eta norberarekiko konpromisoa. Industria azkar aldatzen ari den garai honetan, AJ Ramos bezalako ahotsak funtsezkoak dira arrakasta kolektibotik ulertzeko eta balio partekatuek elikatzen duten ikuspegi batetik eraikitzeko.

    Ponentzia

    Marka bat eraikitzen duen erritmoa: Ballantine 's eta musika, bereizezinak

    Communication

    usikak berebiziko egitekoa betetzen du eta lagungarri izan daiteke marka baten nortasuna sortzean. Ballantine's dugu horren adierazgarri. Izan globalki, izan Estatuan, Ballantine's etxea musikari atxikia egon izan da. Ballantine's etxeak ongi irabazia du bere posizioa lurralde honetan, bidean plataforma garrantzitsuak sortuta: kolaborazioak artistekin, Boiler Room TRUE MUSIC, Ballatines Stay True Records (La Peligrosa-tik), presentzia ehunka ekitaldi eta jaialditan, edizio mugatuak mundu osoko artista ikoniko ezagunekin. Ekimen horiei guztiei esker, markak posizionamendu argia lortu du musikaren munduan, eta lehen FMCG (bizitza laburra eta kontsumo-abiadura azkarra duten kontsumo-ondasunak) marka izan da sare sozialetako interakzioen topean (Iturria: Epsilon - musikaren lurraldeko top profilen panela, 23ko martxoa-24ko otsaila).

    Ponentzia

    Zaleetatik superzaleetara: Berrikuntza eta Komunitateak Entretenimendu Globalean

    Communication

    Jameson Thomas Coachella Innovation proiektu berritzaileen sortzaile ez ezik, Grimes eta Doja Cat artista garrantzitsuekin egindako kolaborazioen atzean dagoen buru eta estrategia-egile ere bada, eta entretenimendu globalaren abangoardian duen esperientzia partekatuko du gurekin. Teknologia aurreratua jaialdietan txertatzearekin hasi, Nigeriako lehen manga sortzearekin jarraitu, eta Minecraften jaialdi birtualak antolatzearekin bukatu, hitzaldi honetan jarraitzaile edo fanatikoekiko interakzioa eraldatzen ari diren gako-estrategiak eta kontzeptuak mahaigaineratuko dira, zale horiek superfan bihurtzera iritsi direla. Jabetza intelektualaren garapenaren eta munduen eraikuntzaren bitartez, artisten eta haien entzuleen arteko harremana birdefinitzen ari da, gero eta murgiltzailegoa den eta konektatuagoa dagoen mundu honetan.

    Ponentzia

    Ia ia filme bat

    Communication

    90eko hamarkadan, sare sozialen booma baino lehen, artistak “biral” bilakatzeko modu bat zegoen: telebistako iragarki batean agertzea. Denborak aurrera egin ahala, komunikabideak eta komunikabideen kontsumoa aldatu diren heinean, eta informazioa eskuratzeko aukera eta erritmoa neurrigabeak direla kontuan izanik, artistek formatu berriak sortu dituzte beren ibilbidean ikusgaitasun nabarmena lortzeko. Seattleko irratiaren Live on KEXP saio elektrikoekin hasi, npr-ren Tiny Desk-arekin jarraitu, eta bakoitzari buruzko dokumentalekin bukatu, orain, artista bakoitzak bere historia konta dezake.

    Ponentzia

    Nola sortu kanpaina zaratatsu eta harrigarriak aro digital berrian. C.Tanganatik Feid-era Carolina Durantetik pasatuz

    Communication

    Está Pasando sormen-agentzia bat da; industria diskografikoan trebatu diren Borja Prieto eta Natalia Flores ipurterreek sortu dute agentzia, Universal, Virgin edo EMI etxeetan aritu zirenean Eminem, Black Eyed Peas, Enrique Iglesias, Paulina Rubio edo Lori Meyers artisten kanpainetan lan egin ostean. Duela 10 urte sortu zuten Está Pasando marketin digitaleko agentzia, eta kanpaina sonatuak egin dituzte bai marketarako, hala nola Prime Video, Netflix, Spotify, Adidas, TOUS, YouTube..., baita artistentzako ere, hala nola C.Tangana, Nathy Peluso, Feid, Sen Senra, Lola Índigo edo Carolina Durante. TikTokAwards sarietan GOAT sariak irabazi berri dituzte, eta brontzezko domina lortu zuten Club de Creativos jaialdian, C.Tangana artistarentzat egindako Estrecho/Alvarado kanpainagatik. Zale amorratua bazara, edo jakin-minez bazaude eta zer gertatzen ari den jakin nahi baduzu, etor zaitez.

    Ponentzia

    Marka-Artista kolaborazioa: jardunbide egokiak eta arrakasta-kasuak

    Communication

    Mahai-inguru honetan, marken eta artisten arteko kolaborazio arrakastatsuetan funtsezko eginkizuna bete duten aitzindariak bildu ditugu. Mahou San Miguel etxeak kulturalki garrantzitsuak diren aktibazioen sorkuntzan izan duen esperientziarekin hasi, eta Gallery eta Kigok talentuen kudeaketan (C. Tangana, esaterako) dituzten estrategia berritzaileekin bukatu, saio honetan, sakonki aztertuko dugu markek nola balia dezaketen musika beren audientziekin modu esanguratsuan konektatzeko. Hizlariek berriki izandako arrakasta-kasuei buruz eztabaidatuko dituzte, eta kolaborazio horiek gogoangarriak ez ezik, harrigarriak ere izatea eragin duten funtsezko elementuak azpimarratuko dituzte, betiere inbertsioaren itzulkinari eta kultur erresonantziari dagokienez. Gainera, gainditutako erronkak eta barneratutako ikasbideak aztertuko dira, bertaratutakoei beren aliantza arrakastatsuak sortzeko ibilbide-orri argia eskainita.

    Ponentzia

    Sormena mugarik gabe: branding estrategiak musikan

    Communication

    Musika eta markak gero eta lotuago dauden mundu honetan, kolaborazio horien arrakasta baldintzatzen duen indar eragile bihurtu da sormena. Saio honetan, publizitatearen arloko erreferente handienetako bat, Toni Segarra, eta musika, artea eta kultura uztartzen dituzten proiektu berritzaileenetako batzuk sortu dituen Little Spain sormen-kolektiboa elkartuko dira beren ikuspegi paregabeak partekatzeko. Ideiarik ausart eta disruptiboenek arreta emateaz gain, marken eta haien audientzien arteko konexio iraunkorrak nola sortzen dituzten aztertuko dugu. Arauez haratago doazen kanpainekin hasi eta maila globalean ezagun egin diren narratibak eraikitzearekin bukatu, saio honetan, musikako brandingaren etorkizuna moldatzen ari diren sormen-estrategietan murgilduko gara.

    Ponentzia

    Marketin garaikidean oihartzuna duten notak

    Communication

    La música, con su poder universal de evocar emociones y construir conexiones, se ha convertido en un elemento esencial en el mundo del marketing y las marcas. En el corazón de esta armonía estratégica, yace una interacción profunda entre la creatividad musical y la identidad de marca. Desde colaboraciones innovadoras hasta experiencias inmersivas, exploraremos cómo la música se convierte en el hilo conductor que une a las marcas con sus audiencias de formas inolvidables.

    Kargatzen…